02/12/2021

За „невидливите“ попречености – Дизајнер Зоран Кардула

Годинава, во чест на 3 Декември – Меѓународниот ден на лицата со попреченост, ја спроведуваме кампањата за подигнување на јавната свест „Ставете нѐ на вашиот ѕид”.

Нашите заеднички напори годинава се насочени подигање на јавната свест за т.н. „невидливи“ попреченост. Не сите попречености се надворешно видливи или лесно препознатливи. За жал, самиот факт дека овие симптоми се невидливи може да доведе до недоразбирања, лажни сфаќања и пресуди од околината.

Соработувавме со уметникот и графички дизајнер Зоран Кардула, кој креираше прекрасни дизајни кои во стилизирана форма отсликуваат неколку состојби на невидлива попреченост (дислексија, аутизам, биполарно растројство, Даунов синдром, дијабетес кај деца, наглувост).

Прочитајте ги нашите пораки и симнете ги постерите/картичките слободни за користење во електронска форма или сами да ги отпечатите.