„Социјален дијалог“ – Серија разговори за процесот и придобивките од деинституционализација на социјалните услуги во Република Северна Македонија
Кои се предизвиците и подобрувањата кои ги носат Националната стратегија за деинституционализација 2018-2027 и новиот Закон за социјална заштита? Што значи обезбедувањето социјални услуги во заедницата за лицата со попреченост? Кој може да ги обезбеди и спроведува социјалните услуги во заедницата? Што значи трансформацијата на институционалната социјалната грижа во социјална грижа во заедницата?..
Ова се само дел од прашањата на кои, преку серија интервјуа, ќе се обидеме да добиеме одговори од сите засегнати страни. Разговараме со лицата со попреченост и нивните семејства за нивните очекувања и искуства, претставници од надлежните институции одговорни за проведување и следење на резултатите од реформата, даватели на социјални услуги (постоечки и нови), одговорните лица за спроведување и воспоставување нови социјални услуги на локално ниво, претставници на проекти кои го поддржуваат спроведувањето на транзицијата од институционална во грижа во заедницата и многу други.